Maxfiylik siyosati

2.Qanday ma’lumot yig‘amiz?

Siz va xodimlaringiz haqida:

• Telegram identifikatori (ID), Telegramdagi ismingiz va Telegram tasdiqlagan telefon raqamingiz — kirish uchun;
• do‘kon nomi, faoliyat turi, viloyat va tuman — agar o‘zingiz kiritsangiz;
• xodimning roli (egasi yoki sotuvchi) va unga siz yozgan izoh.

Siz kiritadigan daftar ma’lumotlari: qarzdor va yetkazib beruvchilarning ismi, laqabi, telefoni, manzili va izohi; qarz va to‘lov summalari, valyuta, sanalar va muddatlar; yozuvni kim kiritgani va kim o‘zgartirgani.

To‘lov haqida: siz yuklagan to‘lov cheki surati, summa, sana va to‘lov holati. Karta raqamingiz va bank ma’lumotlaringiz bizga kelmaydi — to‘lov o‘z bankingiz yoki Paynet ilovasida amalga oshadi.

Fikr-mulohaza: siz yozgan matn va uni tushunish uchun texnik ma’lumot — sahifa, ilova versiyasi, ekran o‘lchami, til, mavzu va oxirgi xato matni.

Yig‘maymiz: ovozli yozuvlarni va daftar suratlarini saqlamaymiz (4-⁠bo‘lim), IP manzilingizni o‘z bazamizga yozmaymiz, reklama identifikatorlaridan foydalanmaymiz. Ilovada (app.haqqim.uz) analitika yoki kuzatuv vositalari yo‘q.

3.Nima uchun foydalanamiz?

• hisobingizga kirishingiz va qarz daftarini yuritishingiz uchun;
• zaxira nusxa olish va ma’lumot yo‘qolsa uni tiklash uchun;
• to‘lovni tekshirib, tarifni ochish uchun;
• savollaringizga javob berish va xatolarni tuzatish uchun;
• xizmat barqarorligini kuzatish uchun — faqat mazmunsiz hisoblagichlar (masalan, sun’iy intellekt so‘rovlari soni va davomiyligi);
• qonun talab qilgan hollarda.

Ma’lumotlaringizni sotmaymiz va reklama uchun ishlatmaymiz. Ilovaning o‘zi qarzdorlaringizga hech qanday xabar yubormaydi: SMS eslatmani faqat siz, o‘z telefoningizdan yuborasiz (4-⁠bo‘lim).

4.Ovoz va daftar surati

Qarzni ovoz bilan aytganingizda yoki daftar sahifasini suratga olganingizda, sun’iy intellekt yozuv yoki suratni matnga aylantiradi. Javob sizga ko‘rsatiladi va siz tasdiqlamaguningizcha hech narsa saqlanmaydi.

Ovozli yozuv ham, surat ham, ulardan olingan to‘liq matn ham bizning serverlarimizda saqlanmaydi — faqat siz tasdiqlagan maydonlar (ism, summa, muddat, telefon, izoh) daftarga yoziladi.

SMS eslatma matni. Mijozga eslatma yozdirganingizda, matnni tayyorlash uchun shu mijozning ismi, qarz summasi, to‘lov muddati (va necha kun kechikkani), avval necha marta eslatilgani, to‘lov odati hamda izohdagi qarzga oid qisqa ma’lumot ishlatiladi. Mijozning telefon raqami, izohning to‘liq matni va boshqa mijozlar ma’lumoti ishlatilmaydi. Ilovaning o‘zi SMS yubormaydi: tayyor matn sizning telefoningizdagi xabarlar ilovasida ochiladi va siz o‘zingiz bosganingizdagina, sizning raqamingizdan ketadi.

5.Huquqiy asos

Siz va xodimlaringiz haqidagi ma’lumotni rozilingiz asosida va siz qabul qilgan foydalanish shartlari (ommaviy oferta) bo‘yicha xizmat ko‘rsatish uchun qayta ishlaymiz.

Qarzdor va yetkazib beruvchilar haqidagi ma’lumotni siz kiritasiz va qaysi ma’lumotni yozishni siz hal qilasiz. Biz uni faqat sizning daftaringizni yuritish uchun, sizning nomingizdan qayta ishlaymiz. Bu ma’lumotni yozish uchun qonuniy asos bo‘lishi — do‘kon egasining mas’uliyati.

6.Kimga beriladi?

Paynet orqali to‘lovda faqat QR kod ko‘rsatiladi — Paynet bilan ma’lumot almashinuvi yo‘q.

Ma’lumotlaringizni hech kimga bermaymiz. Istisno — qonunda belgilangan hollarda vakolatli davlat organining qonuniy talabi.

7.Qancha saqlanadi?

• Hisob va daftar ma’lumotlari — hisobingiz mavjud ekan va siz o‘chirishni so‘ramaguningizcha. Obuna tugasa ham o‘chirilmaydi: ko‘rish rejimida qoladi.
• Faol bo‘lmagan qarzdor — 18 oy davomida harakat bo‘lmasa va qarzi nol bo‘lsa, uning tarixi arxiv omboriga ko‘chiriladi (o‘chirilmaydi).
• To‘lov cheki surati — to‘lov tekshirilgach 7 kun ichida o‘chiriladi.
• Qoralamalar — 2 kun; sun’iy intellekt so‘rovlari hisoblagichi (mazmunsiz) — 60 kun.
• Zaxira nusxalar — faqat ma’lumot yo‘qolsa uni tiklash uchun saqlanadi.
• Server jurnallari — so‘rov manzili, javob holati va vaqti (IP manzilsiz) — qisqa muddat.

8.Xavfsizlik

• barcha ulanishlar shifrlangan (HTTPS);
• parol yo‘q — kirish Telegram orqali tasdiqlanadi, sessiya faqat server o‘qiy oladigan himoyalangan cookie faylida;
• rollar: sotuvchi yozuvni o‘chira yoki bekor qila olmaydi, sozlamalarni o‘zgartira olmaydi, eksport qila olmaydi va tarifni ko‘rmaydi;
• yozuvlar o‘chirilmaydi — bekor qilinadi, o‘zgarishlar tarixi saqlanadi;
• to‘lov cheklari yopiq omborda turadi;

Hech bir tizim to‘liq himoyani kafolatlay olmaydi. Ma’lumot sizib chiqqani aniqlansa, sizni ilova orqali yoki telefon raqamingiz orqali xabardor qilamiz.

9.Sizning huquqlaringiz

• Ko‘rish — barcha ma’lumotingiz ilovada ko‘rinib turadi;
• Tuzatish — yozuvni ilovada o‘zingiz tuzatasiz;
• Yuklab olish — do‘kon egasi ma’lumotni Excel, PDF yoki JSON shaklida istalgan vaqtda yuklab oladi;
• O‘chirish — hisob va daftarni butunlay o‘chirishni so‘rashingiz mumkin;
• Rozilikni qaytarib olish — bu hisobni o‘chirish so‘rovi bilan bir xil ishlaydi;
• Shikoyat — vakolatli davlat organiga murojaat qilish.

Ilovada hisobni o‘chirish tugmasi hozircha yo‘q. So‘rovni [email protected] ga yozing yoki +998 99 446 67 67 ga qo‘ng‘iroq qiling — do‘konga bog‘langan telefon raqamingizni ko‘rsatib. Shaxsingizni tasdiqlash uchun qo‘shimcha ma’lumot so‘rashimiz mumkin. So‘rovni 30 kun ichida bajaramiz va natijasini xabar qilamiz. Asosiy bazadan o‘chirilgan ma’lumot avval olingan zaxira nusxalarda qolishi mumkin; ular faqat avariyadan tiklash uchun ishlatiladi.

Agar sizning ma’lumotingizni boshqa do‘kon kiritgan bo‘lsa (masalan, siz qarzdorsiz), avval o‘sha do‘kon egasiga murojaat qiling — ma’lumotni u boshqaradi. Bizga yozsangiz, murojaatingizni unga yetkazishga yordam beramiz.

10.Cookie va brauzer xotirasi

haqqim.uz sayti tanlangan tilni brauzeringiz xotirasida saqlaydi va sayt qanday ishlatilishini tushunish uchun analitikadan foydalanadi, u o‘z cookie fayllarini qo‘yadi. Reklama cookie fayllari yo‘q.

Istisno — Aloqa sahifasidagi xarita: u Yandex serveridan yuklanadi. Sahifani ochganingizda brauzeringiz Yandex’ga IP manzil kabi texnik ma’lumotni yuboradi va Yandex o‘z shartlari asosida cookie fayllarini qo‘yishi mumkin.

app.haqqim.uz ilovasi faqat ishlashi uchun zarur fayllardan foydalanadi:

• kirish sessiyasi cookie fayli — 180 kun, har foydalanishda yangilanadi;
• kirish jarayonidagi vaqtinchalik cookie — 10 daqiqa;
• yon panel holati cookie fayli;
• internet uzilganda yuborilmagan yozuvlar (ism va summa) — ular yuborilguncha qurilmangiz xotirasida;
• ilova sahifalari keshi — tezroq ochilishi uchun (daftar ma’lumoti keshlanmaydi).

11.Bolalar

Xizmat tadbirkorlar uchun mo‘ljallangan va 18 yoshdan kichiklar uchun emas. Biz bolalar haqida ataylab ma’lumot yig‘maymiz.

12.Siyosatdagi o‘zgarishlar

Siyosat yangilanganda sahifa tepasidagi sana o‘zgaradi. Jiddiy o‘zgarish bo‘lsa, kuchga kirishidan oldin ilova ichida xabar beramiz.

13.Aloqa

Ma’lumotlaringiz bo‘yicha savol yoki so‘rov bo‘lsa, [email protected] ga yozing yoki +998 99 446 67 67 ga qo‘ng‘iroq qiling.