AI QARZ DAFTARI

Qarz daftari — endi ovoz bilan

Kim, qancha, qachongacha — bir gap bilan aytasiz. Sun’iy intellekt ism, summa, telefon va muddatni o‘zi yozadi, kechikkanlarni ro‘yxat boshiga chiqaradi.

QANDAY ISHLAYDI?

Uch qadam — va daftar tartibda

O‘rganish kerak emas. Birinchi qarzni bir daqiqada yozasiz.

  1. 1-qadam

    Ilovani oching va 30 kun bepul foydalaning

    app.haqqim.uz brauzerda ochiladi — hech narsa yuklab olish shart emas. 30 kunlik bepul muddat shu zahoti, to‘liq imkoniyat bilan boshlanadi.

  2. 2-qadam

    Gapiring yoki daftarni suratga oling

    «Rustam akaga 100 ming, 18-⁠sentabrgacha» deysiz — sun’iy intellekt ism, summa va muddatni o‘zi yozadi. Eski daftar esa suratdan ko‘chadi.

  3. 3-qadam

    Kim qarzdor, kim kechikdi — hammasi bir qarashda

    Muddati o‘tganlar ro‘yxat boshida, «Muddati o‘tgan» va «Muddati yaqin» ko‘rinishlari tayyor. Kimga qo‘ng‘iroq qilishni darhol bilasiz.

Batafsil qo‘llanma

SUN’IY INTELLEKT

Gapirasiz — sun’iy intellekt yozadi

O‘zbekcha yoki ruscha — o‘zingizga qulay tilda gapirasiz. Sun’iy intellekt ism, summa, telefon, muddat va izohni ajratib, o‘z joyiga qo‘yadi. Bir harf ham terish shart emas.

Eshiting · 0:19
Do‘kondorning haqiqiy ovozi. Bosing — ilova unga ergashadi

Rustam aka qassob, bodring, pomidor, non va guruch oldi. Yetmish to‘rt ming so‘m qarz bo‘ldi. Yigirma uchinchi oktyabr kuni qaytaraman dedi. Telefon raqami to‘qson to‘qqizlik, bir yuz yigirma ikki, o‘n to‘rt, o‘n besh. Rustam aka eski Istiqlol ko‘chasida turadi.

  1. 1
    Gapirasiz

    Mikrofonni bosib, odatdagidek aytasiz: kim, qancha, nima oldi, qachon qaytaradi.

  2. 2
    Tekshirasiz

    Ilova maydonlarni o‘zi to‘ldiradi. Biror joy noto‘g‘ri bo‘lsa, shu yerda tuzatasiz.

  3. 3
    Saqlaysiz

    Bir bosishda qarz ro‘yxatga tushadi — muddati bo‘yicha o‘z o‘rniga.

Daftarga faqat siz tasdiqlagan ma’lumot tushadi — uni siz va o‘zingiz qo‘shgan sotuvchidan boshqa hech kim ko‘rmaydi.

DAFTARDAN KO‘CHIRISH

Eski daftaringizni suratga oling

Yillar davomida yig‘ilgan qarzlarni qaytadan terish shart emas. Sahifani suratga oling — sun’iy intellekt qo‘lda yozilgan qatorlarni o‘qib, tayyor ro‘yxatga aylantiradi.

  • Qo‘lda yozilganini ham o‘qiydi

    Sun’iy intellekt har qatordagi ism, summa, muddat va izohni tushunib, o‘z maydoniga qo‘yadi.

  • Qayta terish yo‘q

    Sahifama-sahifa suratga olasiz — har qator alohida qarz bo‘ladi. Soatlab qo‘lda terish kerak emas.

  • Surat saqlanmaydi

    Sahifa faqat o‘qib olish uchun yuboriladi va serverlarimizda qolmaydi. Daftarga faqat siz tasdiqlagan yozuvlar tushadi.

AI AGENT

Savol bering — AI agent javob beradi

Do‘koningiz uchun shaxsiy biznes maslahatchi: savdo, mol, narx va mijozlar haqida ovoz bilan so‘raysiz — AI agent daftaringizdagi raqamlarga tayanib aniq javob va tavsiya beradi.

Siz so‘raysiz

«Kimdan undirish qiyin?»

AI agent

«Uch kishi bir oydan beri to‘lamayapti…»

  • Do‘koningizni rivojlantirish bo‘yicha tavsiyalar

    Savdo, mol va narx bo‘yicha aniq g‘oyalar beradi.

  • Do‘koningizni taniydi

    Raqamlaringizni ko‘radi, suhbatlarni eslaydi — maslahati aynan siz uchun.

KIM UCHUN?

Nasiyaga savdo qiladigan
har bir do‘kon uchun

Qarz daftari bor joyning hammasiga mos: bitta rasta ham, bir nechta sotuvchisi bor do‘kon ham.

  • Oziq-ovqat do‘koni

    Mahalla mijozi non, yog‘, shakarni oy oxirida to‘laydi — o‘nlab kichik qarz bitta ro‘yxatda.

  • Qurilish mollari

    Usta materialni olib ketadi, obyekt pulidan to‘laydi — katta summa, qisman to‘lov, aniq muddat.

  • Kiyim-kechak

    Bo‘lib to‘lashga olingan kiyim — har to‘lov yoziladi, qoldiq o‘zi hisoblanadi.

  • Dorixona

    Doimiy mijozga dori qarzga — kim, qancha va qachongacha, telefon raqami bilan.

  • Bozor rastasi

    Telefon cho‘ntakda, daftar shart emas — rastada turib ovoz bilan yozasiz.

  • Ulgurji savdo

    Do‘konlarga mol tarqatasiz — so‘m va dollar alohida, sotuvchilar yozadi, lekin o‘chira olmaydi.

  • Maishiy texnika va telefonlar

    Muzlatkich yoki telefon bo‘lib to‘lashga — har to‘lov yoziladi, qoldiq ko‘z oldingizda.

  • Avtoehtiyot qismlar

    Usta va haydovchilarning mayda qarzlari — so‘m va dollarda alohida, hammasi bitta ro‘yxatda.

  • Go‘sht do‘koni

    Har kuni oz-ozdan qarzga olinadi — ovoz bilan bir zumda yozasiz, oy oxirida hisob tayyor.

NIMA QILADI?

Har bir qarz — hisobda va nazoratda

Kim qancha olgani, qanchasini qaytargani va kim kechikayotgani — hammasini ilova o‘zi hisoblaydi. Siz esa savdo bilan bandsiz.

Kim kechikkani — birinchi qatorda

Muddati o‘tgan qarz ro‘yxat boshida, «5 kun kechikdi» belgisi bilan. Muddati yaqinlashganlar — sariq. Kimdan bugun so‘rashni filtr bilan bir bosishda ajratasiz.

Ilovadagi qarzdorlar ro‘yxati: kechikkanlar qizil belgi bilan tepada, yonida holat filtri (Qarzdorlar, Muddati o‘tgan, Muddati yaqin, Hammasi).

Rassrochka va qisman to‘lov

100 mingdan 50 ming keltirsa — qoldiq o‘zi hisoblanadi. Bo‘lib to‘lashda har bo‘lakning sanasi va summasi alohida: «oktyabrdan, har 10-⁠sida» deb aytsangiz ham bo‘ladi.

Kim vaqtida to‘laydi — baho bilan

Ilova har mijozga 1 dan 5 gacha baho qo‘yadi va qisqa ta’rif yozadi. Nasiya berishdan oldin bir qarash yetadi.

Eslatma matnini AI yozadi

Qarzdorga summa va muddatni eslatuvchi hurmatli SMS — ohangini tanlaysiz (yumshoq, odatiy, qat’iy), xohlasangiz tahrirlaysiz va bir bosishda yuborasiz.

Sotuvchilar ustidan nazorat

Xodim qarz yozadi va to‘lov qabul qiladi, lekin hech narsani o‘chira olmaydi. Kim qancha pul qabul qilgani yozib boriladi.

Hisobot va eksport

Qancha qarz berildi, qanchasi qaytdi — bir ekranda. Kerak bo‘lsa Excel yoki PDF qilib olasiz.

So‘m va dollar alohida

Ikkala valyuta alohida hisoblanadi — dollar qarzi so‘mga qo‘shilib ketmaydi.

Hech narsa o‘chmaydi

Yozuv o‘chirilmaydi, bekor qilinadi va tarixda qoladi — kim, qachon, nima qilgani ko‘rinadi.

Telefonda ham, kompyuterda ham

Brauzerda ochiladi, xohlasangiz bosh ekranga qo‘yasiz. Do‘kon kompyuterida ham, telefonda ham bir xil ro‘yxat.

TAQQOSLASH

Qog‘oz, Excel va Haqqim.uz —
farqi nimada?

Qog‘oz daftar ham, Excel ham ishlaydi. Farq — sarflangan vaqtda, xatoda va yo‘qolgan yozuvda.

  • Qarzni yozish

    Qog‘oz daftar
    QismanQo‘lda — ruchka yoningizda bo‘lsa
    Excel yoki zametka
    Yo‘qTelefonda terasiz, har maydonni alohida
    Haqqim.uz
    HaGapirasiz — maydonlar o‘zi to‘ladi

  • Kim kechikkani

    Qog‘oz daftar
    Yo‘qVaraqlab qidirasiz
    Excel yoki zametka
    QismanSaralash bor, lekin o‘zingiz sozlaysiz
    Haqqim.uz
    HaRo‘yxat boshida, «N kun kechikdi» belgisi bilan

  • Qarzdorga eslatish

    Qog‘oz daftar
    Yo‘qO‘zingiz qo‘ng‘iroq qilasiz yoki yozasiz
    Excel yoki zametka
    Yo‘qMatnni o‘zingiz terasiz
    Haqqim.uz
    HaAI matn yozadi, SMS o‘z telefoningizdan ketadi

  • Qisman to‘lov

    Qog‘oz daftar
    QismanO‘chirib, qaytadan yozasiz
    Excel yoki zametka
    QismanFormula yozsangiz hisoblaydi
    Haqqim.uz
    HaQoldiq o‘zi hisoblanadi, tarix qoladi

  • Sotuvchi yozsa

    Qog‘oz daftar
    Yo‘qKim yozgani, kim o‘chirgani noma’lum
    Excel yoki zametka
    Yo‘qKim ochsa — o‘zgartira oladi
    Haqqim.uz
    HaO‘chira olmaydi, kim yozgani ko‘rinadi

  • Yo‘qolsa yoki buzilsa

    Qog‘oz daftar
    Yo‘qDaftar bilan qarz ham ketadi
    Excel yoki zametka
    QismanNusxa olgan bo‘lsangiz qoladi
    Haqqim.uz
    HaMa’lumot ilovada — telefon yo‘qolsa ham joyida

  • Internetsiz ishlash

    Qog‘oz daftar
    HaIshlaydi
    Excel yoki zametka
    HaIshlaydi
    Haqqim.uz
    Yo‘qInternet kerak

  • Narx

    Qog‘oz daftar
    HaDaftar puli
    Excel yoki zametka
    HaBepul
    Haqqim.uz
    Qisman30 kun bepul, keyin yiliga 247 000 so‘m

ISHONCH

Daftaringiz — faqat sizniki

Kim kimga qarzdorligi — nozik ma’lumot. Shuning uchun ilova uni begona ko‘zdan qat’iy qoidalar bilan himoya qiladi.

  • Faqat siz va sotuvchingiz ko‘radi

    Daftaringiz boshqa do‘konlarga ham, begona odamlarga ham ko‘rinmaydi. Kimni sotuvchi qilib qo‘shishni o‘zingiz hal qilasiz.

  • Ma’lumot sotilmaydi

    Reklama ham, kuzatuv ham yo‘q. Qarzdorlaringiz ro‘yxati faqat daftaringizni yuritish uchun ishlatiladi.

  • Ovoz va surat saqlanmaydi

    Sun’iy intellekt ularni matnga aylantirgach, serverlarimizda qolmaydi. Daftarga faqat siz tasdiqlagan ma’lumot yoziladi.

  • Har bir ulanish shifrlangan

    Telefon yoki kompyuterdan ilovaga ketayotgan har bir ma’lumot HTTPS orqali shifrlanib uzatiladi.

  • Sotuvchi o‘chira olmaydi

    Xodim qarz yozadi va to‘lov qabul qiladi. Bekor qilish, eksport va sozlamalar — faqat sizda va siz tayinlagan boshqaruvchida. Har bir amal tarixda qoladi.

  • Telefon yo‘qolsa ham joyida

    Ma’lumot telefonda emas, ilovada turadi. Telefon yo‘qolsa — boshqa qurilmadan kirasiz va «Kirgan qurilmalar»dan eskisini bir bosishda chiqarasiz.

NARXLAR

Bitta tarif — hamma imkoniyat bilan

Avval 30 kun bepul, hamma imkoniyati bilan. Yoqsa — yiliga bir marta to‘laysiz. Oylik to‘lov yo‘q.

30 KUN BEPULAvval sinab ko‘ring!

Ro‘yxatdan o‘tgan kundan boshlab — to‘liq imkoniyat bilan.

30 kundan keyin

247 000so‘m / yil

Narxga nimalar kiradi?

  • AI bilan ovozdan qarz yozish
  • AI bilan daftarni ko‘chirish
  • Ovozli AI yordamchi
  • SMS eslatmalar
  • Rassrochka va qisman to‘lov
  • Mijozlar reytingi
  • Mijozning ovozli tasdig‘i
  • Excel va PDF hisobotlar
  • Xodimlar va rollar
  • Ta’minotchi qarzlari

Obuna muddati tugasa, ma’lumotingiz yo‘qolmaydi. Hamma qarzdoringizni ko‘rib turasiz — faqat yangi qarz qo‘shib bo‘lmaydi. Uzaytirsangiz darhol davom etadi.

Foydali maqolalar

Barcha maqolalar

Nasiya savdo

Nasiya savdo nima va do‘kon uni qanday yuritadi?

Nasiya savdo nima, u bank yoki onlayn muddatli to‘lovdan qanday farq qiladi va do‘kon uchun foyda hamda xavflari. Qoidalar, misollar va boshlash tartibi.

6 daqiqa o‘qish

Qarzni undirish

Qarzni undirishning bosqichma-bosqich rejasi

Qarzni undirishning barcha yo‘llari tartib bilan: eslatish, suhbat, bo‘lib to‘lash, yozma kelishuv va oxirgi chora sifatida sud. Qaysi biri qachon kerak?

7 daqiqa o‘qish

SAVOLLAR

Ko‘p so‘raladigan savollar

Yo‘q. Ilova brauzerda ochiladi — app.haqqim.uz manzilida. Xohlasangiz uni telefon bosh ekraniga qo‘yib olasiz: shunda oddiy ilovadek ochiladi, lekin do‘kondagi kompyuterda ham o‘sha ro‘yxat turaveradi.

30 kun, hech narsa cheklanmaydi — to‘liq imkoniyat bilan ishlatasiz. Muddat tugaganda hech narsa o‘chmaydi, shunchaki yangi qarz qo‘shish to‘xtaydi.

Bitta tarif: yiliga 247 000 so‘m, hamma imkoniyat bilan. Oylik to‘lov ham, avtomatik obuna ham yo‘q.

Ilovadan Paynet QR kodini skanerlaysiz yoki ko‘rsatilgan kartaga o‘tkazasiz. So‘ng to‘lov chekini suratga olib yuklaysiz — biz tekshirib, tarifni ochamiz va ilova ichida bildirishnoma yuboramiz.

Har yozuv saqlashdan oldin sizga ko‘rsatiladi. Noto‘g‘ri tushungan joyni bir bosishda tuzatasiz yoki qayta aytasiz — siz tasdiqlamaguningizcha daftarga hech narsa yozilmaydi.

Ha, shuning uchun qilingan. Daftar sahifasini suratga olasiz, sun’iy intellekt qatorlarni o‘qib ro‘yxatga aylantiradi. Har qator saqlashdan oldin ko‘rsatiladi — xato bo‘lsa tuzatasiz. Asl daftar o‘zingizda qoladi.

Ilova o‘zi hech kimga xabar yubormaydi. Eslatish kerak bo‘lsa, sun’iy intellekt eslatma matnini yozib beradi, SMS esa sizning telefoningizdan, siz bosganingizda ketadi. Ro‘yxatni faqat siz va sotuvchingiz ko‘rasiz.

Ilovada. Muddati o‘tgan qarz ro‘yxat boshida «5 kun kechikdi» belgisi bilan turadi; «Muddati o‘tgan» va «Muddati yaqin» ko‘rinishlari kimga qo‘ng‘iroq qilishni bir ekranda ko‘rsatadi. AI agentdan ovoz bilan ham so‘rash mumkin: «Kimning muddati o‘tgan?»

Sotuvchi qarz yozadi va to‘lov qabul qiladi, faqat o‘zi yozgan yozuvni tuzata oladi — o‘chira ham, bekor qila ham olmaydi. Hisobot, eksport, obuna, sozlamalar va AI agent unga yopiq. Sherigingizga hammasini ko‘rsatmoqchi bo‘lsangiz — uni boshqaruvchi qilasiz. Kim pul qabul qilgani har amalda yozib boriladi.

Daftarni faqat siz va siz qo‘shgan sotuvchi ko‘radi. Ma’lumot sotilmaydi, reklamaga ishlatilmaydi, har bir ulanish shifrlangan. Yozuvlar o‘chirilmaydi: telefoningiz yo‘qolsa ham, boshqa qurilmadan kirib hammasini ko‘rasiz.